Find in Library

कालस्य प्रमुखेषु अवयवेषु अयनम् अन्यतमं वर्तते, केषाञ्चन श्रौतस्मार्तकर्मणाम् अनुष्ठानयोग्यकालनिर्णये तस्यावश्यकत्वात्, सर्वेषां कर्मणामनुष्ठाने तत्सङ्कीर्तनाच्च । अतस्तदारम्भादिविषये शास्त्रसम्मतो निर्णयः अत्यावश्यकः । किञ्चात्र मतद्वितयं वरीवर्ति साम्प्रतम् । केचिदत्र सायनं पक्षम् ऊरीकुर्वते परे तु निरयणम् । तयोः कतरन्मतं श्रुतिसम्मतिं शास्त्रयुक्तिं प्रत्यक्षाविरोधं च समर्हति इत्येतं विषयं साधारं प्रस्तौति पत्रमिदम् ।