Find in Library

A mediados do século XX o Estado español pon en marcha o “Plan de Restauración de Lugares Jacobeos” como apoio á revitalización do Camiño de Santiago e dirixido polo arquitecto Francisco Pons-Sorolla. As principais medidas consisten na restauración de monumentos e na ordenación urbana de conxuntos históricos. o conxunto de Portomarín (Lugo) –etapa do Camiño Francés– protagoniza un episodio singular: o seu traslado a un novo lugar con importante modificación do esquema organizativo medieval e dos principais referentes arquitectónicos. A edificación máis emblemática deste conxunto é a igrexa románica de San Xoán, sometida a un exercicio de restauración historicista co obxectivo de recuperar o seu espírito medieval.